اتىراۋ وبلىسىنىڭ ءىرى كاسىپورىندار ەلباسىنىڭ ۇندەۋىنە قولداۋ ءبىلدىردى، دەپ حابارلايدى قازاقپارات.

«اتىراۋ وبلىسىنىڭ جەتەكشى كاسىپورىندارى، ەلباسىنىڭ كوروناۆيرۋسكە قارسى كۇرەس قورىن قۇرۋ تۋرالى مالىمدەمەسىن تولىقتاي قولدايمىز. بۇنداي كۇردەلى كەزدە ەشكىم ورتاق ىستەن تىس قالماۋى ءتيىس. ءبىزدىڭ كاسىپورىنداردىڭ ۇجىمدارى ەپيدەميا قاتەرىن جەتە ءتۇسىنىپ وتىر جانە جاۋاپكەرشىلىك تانىتىپ، ازاماتتىق ساناعا سۇيەنىپ، كوروناۆيرۋسكە قارسى كۇرەسكە بەلسەنە اتسالىسۋعا ءازىر. بۇگىندە ءبىزدىڭ كاسىپورىندارىمىز مەديسينالىق مەكەمەلەر مەن مەديسينالىق پەرسونالعا ۇلكەن كومەك كورسەتىپ جاتىر. قوماقتى قاراجات ءبولىنىپ، وعان قاجەتتى مەديسينالىق جابدىقتار، تەپلوۆيزورلار، جەكە قورعانۋ قۇرالدارى ساتىپ الىنۋدا. ەلباسىنىڭ مالىمدەمەسى كۇردەلى كەزەڭدەگى جاقسى جاڭالىق بولىپ، رۋحاني قۋات بەرەدى» - دەلىنگەن ۇندەۋ ماتىنىندە.

سونداي-اق، ءىرى كاسىپورىندار وكىلدەرى الەۋمەتتىك جاۋاپكەرشىلىك تانىتاتىنىن جەتكىزدى.

«ءبىز تالاي قيىن-قىستاۋ زاماندى باسىمىزدان كەشىرىپ، ءاردايىم قيىندىقتاردى جەڭىپ كەلدىك. الەۋمەتتىك جاۋاپكەرشىلىك تانىتىپ جانە قوعامىمىزدىڭ بىرلىگىن ساقتاپ، ءبىز بۇل قاتەرلى ينفەكسيانى دا جەڭەمىز، ازاماتتاردىڭ دەنساۋلىعىن جاقسارتامىز»، - دەيدى ولار.

ۇندەۋگە «تەنىزشيەۆرويل» ج ش س، «NCOC» كومپانياسى، «ەمبىمۇنايگاز» اق سىندى ءىرى كاسىپورىندار قولداۋ ءبىلدىردى.